Azərbaycanda COVID-19-un müalicəsinə dair protokol dəyişdirilir

Azərbaycanda koronavirusun müalicəsinə dair kliniki protokola dəyişiklik edilə bilər.

“Report”un əldə etdiyi məlumata görə, məqsəd protokola virusun müalicəsində istifadəsi nəzərdə tutulacaq remdesivir dərman preparatının və plazma müalicəsinin əlavə olunmasıdır.

Xatırladaq ki, xəstəxanalarda müalicə üçün tətbiq edilən klinik protokolda olan dərmanların siyahısında remdesivir yoxdur.

Qeyd edək ki, bu günə qədər ölkədə 36 578 nəfər virusa yoluxub, onlardan 33 977-si sağalıb. Hazırda aktiv xəstə sayı 2 065 nəfər təşkil edir.