Avropa İttifaqı “Novovax” şirkətinin vaksinini qəbul edib

Avropa Dərman Agentliyi (EMA) ABŞ-ın “Novavax” biotexnologiya şirkəti tərəfindən istehsal olunan koronavirusa qarşı “Nuvaxovid”vaksininin müvəqqəti qeydiyyata alınmasını təklif edib.

“Report” xəbər verir ki, EMA-nın açıqlamasına görə, 18 yaşınadək uşaqlar üçün nəzərdə tutulan həmin peyvənd koronavirusun “Alfa” və “Beta” variantlarına qarşı 90 faizədək effektiv olub.

Vaksinin taqətsizlik, əzələ və oynaq ağrısı, başağrısı, ürək bulantısı kimi yan təsirlərinin bir neçə gün ərzində aradan qalxdığı qeyd olunur. Avropa Komissiyası tərəfindən də qəbul ediləcəyi təqdirdə peyvənd Aİ ölkələrində tətbiq oluna biləcək.

Xatırladaq ki, hazırda Aİ məkanında koronavirusa qarşı ABŞ-ın “Moderna” şirkətinin “Spikevax”, ABŞ-ın “Pfizer” və Almaniyanın “BioNTech” şirkətlərinin “Comirnaty”, Böyük Britaniya və İsveçin “Astra Zeneca” şirkətinin “Vaxzevria”, ABŞ-ın “Johnson and Johnson” şirkətinin “Janssen” vaksini istifadə olunur.