ABŞ-da pişiklər üçün şəkərli diabetə qarşı ilk dərman təsdiqlənib

ABŞ-ın Ərzaq və Dərman Administrasiyası (FDA) pişiklərdə şəkərli diabetə nəzarət etmək üçün ilk dərmanı təsdiqləyib.

“Report” xəbər verir ki, bu barədə FDA-nın saytında məlumat verilib.

“Bexacat” adlı dərman insulin müalicəsinə ehtiyacı olan pişiklər üçündür. Amma bu dərman insulin deyil. “Bexacat” şəkərin böyrəklərdən qana reabsorbsiyasının qarşısını alır.

Lakin “Bexacat” dərmanı insulinlə müalicə olunan və ya olunmuş pişiklərə verilə bilməz.