Bakı. 11 aprel. REPORT.AZ/ Yerevan Dövlət Universitetinin Mühafizə xidmətinin əməkdaşları aprelin 13-də keçiriləcək mitinqə çağırış vərəqələri yayan tələbələrin üzərinə hücum edib.
“Report” Ermənistan KİV-inə istinadən xəbər verir ki, tələbələr hadisə ilə bağlı hüquq müdafiəçilərinə müraciət ediblər.
Universitet Administrasiyasının rəhbəri Alik Qaribyan tələbələrin üstünə qışqıraraq deyib: “Siz burada siyasi vərəqələr paylayırsınız? Biz buna imkan verməyəcəyik”.
Qeyd edək ki, Serj Sarqsyanın baş nazir seçilməsinə mane olmaq məqsədi ilə aprelin 13-də Yerevanda fasiləsiz mitinq keçiriləcək.