Yerevanda məmur sürücüsü idarə etdiyi xidməti avtomobillə yeniyetməni vurub

Bakı. 20 dekabr. REPORT.AZ/ Yerevanda dövlət məmurunun sürücüsü idarə etdiyi xidməti avtomobillə 13 yaşlı oğlanı vurub.

“Report” Ermənistan KİV-inə istinadən xəbər verir ki, 65 yaşlı Aşot Avetisyan idarə etdiyi “Toyota Camry” avtomobili ilə 13 yaşlı Yerevan sakini Armen Sarkisyanı vuraraq ona bədən xəsarəti yetirib.

Hadisə ilə bağlı cinayət işi açılıb. Aşot Avetisyan Ermənistanın Əmək və Sosial Məsələlər üzrə Nazirliyinin Aparat rəisinin sürücüsüdür.