Yuxarı

Yaşılbaş çöl ördəkləri Rusiyadan Azərbaycana köç etməyə başlayıb

Yaşılbaş çöl ördəkləri Rusiyadan Azərbaycana köç etməyə başlayıb
Vəhşi ördəklər qışlamaq üçün Novosibirskdəki Qu gölünü tərk edirlər

Bakı. 29 oktyabr. REPORT.AZ/ Rusiyanın böyüklüyünə görə üçüncü şəhəri olan Novosibirskdəki Qu gölündə məskən salan vəhşi ördəklər ərazini tərk etməyə başlayıblar.

“Report” xəbər verir ki, bunu Rostislav Şilo adına Novosibirsk zooparkının əməkdaşları deyiblər.

"Bizim Qu gölünü bəyənən vəhşi ördəklər, nəhayət ki, köç etməli olduqlarını xatırlayıblar (və ya başa düşüblər). İndi onlar uçuşdan əvvəl qanadlarını hərəkətə gətirməyə, özlərini normal fiziki formaya salmağa başlayıblar (göldə yeyərək piyləniblər)", - deyə zoopark əməkdaşları qeyd ediblər.

Məlumata görə, ördəklər təkcə Qu gölündə deyil, həmçinin Akademqorodokdakı göldə də məskunlaşıblar.

Novosibirskdə daha çox rast gəlinən növ yaşılbaş ördəkdir. Ornitoloqlar bildirirlər ki, yaşılbaş ördəklər qış fəslində Türkmənistan və Azərbaycana uçurlar.

Aprel ayında ərazini tərk etmiş ördəklər yenidən Azərbaycandan Rusiyaya qayıdırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi