Yuxarı

Vanda güclü partlayış nəticəsində yaralananların sayı 48-ə çatıb - VİDEO - YENİLƏNİB-2

Partlayışın PKK terrorçuları tərəfindən törədildiyi ehtimal olunur

Bakı. 12 sentyabr. REPORT.AZ/ Son məlumata görə, Türkiyənin Van əyalətində baş verən partlayış nəticəsində yaralananların sayı 48-ə çatıb. "Report" Türkiyə KİV-ə istinadən xəbər verir ki, yaralılardan iki nəfəri polisdir.

Partlayışın PKK terrorçuları tərəfindən törədildiyi ehtimal olunur.

*** 13:52

Bakı. 12 sentyabr. REPORT.AZ/ Türkiyənin Van əyalətində AKP-nin yerli şöbəsi ilə valiliyin inzibati binasının arasında  partlayış olub.

"Report" Türkiyə KİV-ə istinadən xəbər verir ki, partlayıcı qurğu yerləşdirilmiş avtonəqliyyat vasitəsi ilə edilən hücumda 2-si ağır olmaqla 27 nəfər yaralanıb.

AKP-nin Vandan seçilən millət vəkili Burhan Kayatürk deyib ki, hücumda əsas hədəf partiyanın inzibati binası və onu qoruyan polislər olub.

*** ilk xəbər saat 12:33-də yayımlanıb

Bakı. 12 sentyabr. REPORT.AZ/ Türkiyənin Van şəhərində güclü partlayış baş verib.

"Report" "Anadolu" agentliyinə istinadən xəbər verir ki, hadisə AKP-nin yerli şöbəsi ilə valiliyin inzibati binasının arasında qeydə alınıb.

Əraziyə çoxlu sayda təcili yardim maşını cəlb edilib.

İlkin məlumata görə, hadisə nəticəsində azı 11 nəfər yaralanıb.



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi