Yuxarı
    Bağlamaq

    Türkiyənin paytaxtında yanğın olub, 30 nəfər xəstəxanaya aparılıb

    Yanğın söndürülüb və hadisənin başvermə səbəbləri araşdırılır

    Bakı. 3 yanvar. REPORT.AZ/ Türkiyənin paytaxtı Ankara şəhərində yanğın hadisəsi baş verib.

    “Report”un Türkiyə KİV-inə istinadən verdiyi xəbərə görə, hadisə Ankaranın Çukurambar küçəsində yerləşən binanın birinci mərtəbəsindəki ofisdə qeydə alınıb.

    Yanğın zamanı təxminən 30 nəfərin tüstüdən zəhərləndiyi bildirilir. Zərərçəkənlər dərhal xəstəxanaya aparılıblar.

    Qısa müddətdə ətrafa yayılan alov 25 mənzilin olduğu 5 mərtəbəli binanı bürüyüb. Hadisə yerinə yanğınsöndürənlər, polis və təcili tibbi yardım gəlib. Yanğın söndürülüb və hadisənin başvermə səbəbləri araşdırılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi