Türkiyənin Ədliyyə Nazirliyi ABŞ-dan Fətullah Gülənin həbs olunmasını tələb edib

Bakı. 13 sentyabr. REPORT.AZ/ Türkiyənin Ədliyyə Nazirliyi növbəti dəfə ABŞ-dan Fətullahçı Terror Təşkilatının (FETÖ) başçısı Fətullah Gülənin həbs olunmasını tələb edib. 

"Report" "Anadolu" agentlyinə istinadən xəbər verir ki, nazirlik bununla bağlı ABŞ hökumətinə rəsmi müraciət göndərib.

Ədliyyə Nazirliyi müraciətində F.Gülənin iyulun 15-də dövlət çevirlişinə cəhdə rəhbərlik etdiyini bildirib.

Qeyd edək ki, FETÖ-nün başçısı F.Gülən 1999-cu ildən ABŞ-ın Pensilvaniya ştatında yaşayır.