Türkiyənin cənub-şərqində 2 hərbçi və 1 polis şəhid olub

Bakı. 3 fevral. REPORT.AZ/ Türkiyənin Diyarbakır vilayətinin Sur rayonunda terror təşkilatı PKK mənsublarına qarşı əməliyyatlarda iki hərbçi və bir polis məmuru şəhid olub.

"Report" "Hürriyet" qəzetinə istinadən xəbər verir ki, terrorçulara qarşı aparılan əməliyyatda təhlükəsizlik güclərinin iki üzvü yaralanıb. Onlarda birinin vəziyyəti ağır olduğundan Ankaradaki GATA xəstəxanasına göndərilib.