Türkiyənin 2 hərbçisi şəhid olub, 2-si yaralanıb

Bakı. 21 aprel. REPORT.AZ/ Türkiyənin Şırnak əyalətinin Uludərə rayonunda terrorçu PKK qruplaşmasına qarşı keçirilən anti-terror əməliyyatı zamanı iki hərbçi şəhid olub, ikisi yaralanıb.

“Report” xəbər verir ki, bu haqda "Ulusalkanal" məlumat yayıb.

İnformasiyaya əsasən, bölgədə Türkiyə Silahlı Qüvvələrinin hərbçiləri ilə terrorçular arasında atışmalar davam edir. Terrorçulara qarşı irimiqyaslı əməliyyatlara başlamaq üçün bölgəyə əlavə qüvvələr göndərilib.