Yuxarı
    Bağlamaq

    Türkiyədən Yunanıstana qaçan 8 qiyamçı hərbçinin adı məlum olub

    Onlar Yunanıstan hökumətindən siyasi sığınacaq istəyiblər

    Bakı. 19 iyul. REPORT.AZ/ Türkiyədə hərbi çevriliş cəhdi baş tutmayandan sonra Yunanıstana qaçan 8 hərbçinin adları məlum olub. 

    "Report"un Türkiyə KİV-inə istinadən verdiyi məlumata görə, bunlar minbaşı Gencay Büyük (1977), minbaşı Ahmet Güzel (1977), yüzbaşı Abdullah Yetik (1980), yüzbaşı Feridun Çoban (1980), yüzbaşı Süleyman Özkaynakçı (1982), yüzbaşı Uğur Uçan (1981), baş çavuş Bilal Kurugül (1976) və baş çavuş Mesut Fıratdır (1979).

    Qeyd edək ki, bu hərbçilər iyulun 16-da səhər saatlarında "Sikorsky" modelli hərbi helikopterlə Yunanıstanın Dedeağaç hava limanına eniblər. Onların rütbələri sökülüb, ancaq hərbçilər Yunanıstan hökumətindən siyasi sığınacaq istəyiblər. Bundan sonra Ferecik həbsxanasında saxlanılan qiyamçılar Yunanıstana qanunsuz yolla daxil olmaqda təqsirləndirilərək Dedeağac məhkəməsinə veriliblər. Lakin vəkillərinin tələbi ilə məhkəmə iyulun 21-dək təxirə salınıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi