Yuxarı

​Türkiyədə universitetlərdən birinin 75 əməkdaşı rüşvətxorluğa görə həbs edilib

Həbs edilənlər cəmiyyətə 3 milyon türk lirəsi maddi ziyan vurmaqda şübhəli bilinirlər

Bakı. 31 may. REPORT.AZ/ Türkiyənin Akdəniz Universitetində keçirilən antikorrupsiya əməliyyatı nəticəsində ali təhsil müəssisəsinin 75 əməkdaşı həbs edilib.

"Report" Türkiyə KİV-inə istinadən xəbər verir ki, tutulanlardan 20-si qadındır.

Universitetdə 2013-cü ildə rüşvətxorluğa görə cinayət işi başlanıb. Həbs edilənlər cəmiyyətə 3 milyon türk lirəsi (1,5 milyon manat) maddi ziyan vurmaqda şübhəli bilinirlər.

Akdəniz Universitetinin rektorluğu həbsləri təsdiləyən açıqlama yayıb: "Mayın 31-də Antalya Təhlükəsizlik İdarəsi bəzi əməkdaşlarımızın yaşadıqları evlərdə axtarış aparıb. Onları ifadələrini almaq üçün Təhlükəsizlik İdarəsinə aparıblar. Rektorluğumuz məsələni yaxından izləyir". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi