Türkiyədə mikroavtobus qəzaya uğradı, ölənlər və xəsarət alanlar var - FOTO

Türkiyədə mikroavtobus qəzaya uğrayıb.

“Report” “Anadolu” agentliyinə istinadən xəbər verir ki, hadisə Ərzincanda baş verib.

Belə ki, mikroavtobusun Qarasu gölünə düşməsi nəticəsində sürücü də daxil olmaqla, 5 nəfər ölüb, daha 3 nəfər xəsarət alıb. 

İlkin məlumata görə, qəzaya sürücünün nəqliyyat vasitəsinə idarəetməni itirməsi səbəb olub.

Hadisə yerinə dalğıclar, fövqəladə xidmətlərin əməkdaşları cəlb edilib və ölənlərin meyitləri sudan çıxarılıb, eyni zamanda yaralılar xəstəxanaya yerləşdirilib.

Ölənlər arasında 2 körpə də var.