Yuxarı

​Türkiyədə hücuma ən çox məruz qalan partiya AKP olub

Sol Partiya cəmi bir dəfə Qaradəniz bölgəsində basqınla üzləşib

Bakı. 29 oktyabr. REPORT.AZ/ Türkiyədə avqustun 31-dən oktyabrın 26-dək hücuma ən çox hakim İnkişaf və Ədalət Partiyası (AKP) məruz qalıb.

"Report" Türkiyə KİV-inə istinadən xəbər verir ki, bunu ölkənin təhlükəsizlik orqanı bildirib.

Xəbərə görə, AKP-nin yerli təşkilatları və təmsilçiləri 44 dəfə (ölkənin Akdəniz bölgəsində 6, Egedə 6, Mərmərədə 8, İç Anadoluda 9, Şərqi və Cənubi Anadoluda 8 dəfə) hücuma məruz qalıb. Sonrakı yerdə gələn Xalqların Demokratik Partiyasıdır. Bu siyasi təşkilata 12 dəfə (Ege bölgəsində 2 dəfə, Mərmərədə 4, Qaradənizdə 1, İç Anadoluda 1, Şərqi və Cənubi Anadoluda isə 4 dəfə) basqın edilib. Milliyyətçi Hərəkat Partiyası (MHP) 7 dəfə hücumla üzləşib. MHP 3 dəfə Akdəniz bölgəsində, 1 dəfə Egedə, 1 dəfə İç Anadoluda, 4 dəfə isə Şərqi və Cənubi Anadoluda hücuma məruz qalıb. Cümhuriyyət Xalq Partiyası (CHP) 6 dəfə basqınla üzləşib. CHP-yə 2 dəfə Akdənizdə, 2 dəfə Mərmərədə, 1 dəfə Qaradənizda, 1 dəfə İç Anadoluda hücum ediblər. Sol Partiya isə 1 dəfə Qaradəniz bölgəsində basqınla üzləşib.

Qeyd edək ki, basqınlar dedikdə partiyaların yerli təşkilatlarının qərargahları və üzvlərinin hücuma məruz qalmaları nəzərdə tutulur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi