Bakı. 26 aprel. REPORT.AZ/ Türkiyənin 72 əyalətində Fətullahçı Terror Təşkilatına (FETÖ) qarşı keçirilən əməliyyat nəticəsində 1009 şübhəli şəxs tutulub.
“Report” “Haberturk”ə istinadən xəbər verir ki, əməliyyatlarda 8500 polis əməkdaşı iştirak edib.
Əməliyyat paytaxt Ankara və digər əyalətlərdə keçirilib.
Məlumata görə, Türkiyənin hüquq-mühafizə orqanları 81 əyalətdə FETÖ-yə üzv olan min nəfərdən artıq imamın tutulması haqda qərar qəbul edib.