Yuxarı
    Bağlamaq

    Türkiyədə daha bir general FETÖ işi ilə bağlı həbs edilib

    O, cəzaçəkmə müəssisəsinə göndərilib

    Bakı. 25 sentyabr. REPORT.AZ/ Türkiyədə FETÖ (Fətullahçı terror təşkilatı) istintaqı ilə şübhəli şəxs kimi saxlanılıb şərti azadlığa buraxılan keçmiş Vaşinqton Silahlı Qüvvələrinin attaşesi, general Yavuz Çelik məhkəmə qarşısına çıxarılıb.

    "Report" xəbər verir ki, bu barədə "Anadolu" agentliyi məlumat yayıb. Məlumata görə, o, məhkəmənin qərarı ilə həbs edilib.

    Qeyd edək ki, FETÖ-nün iyulun 15-də Türkiyədə dövlət çevrilişinə cəhdindən sonra ölkənin silahlı qüvvələrindən xaric edilmiş Yavuz Çelik Ankara Cümhuriyyəti Baş Prokurorluğu tərəfindən aparılmış istintaq zamanı sərbəst buraxılmışdı.

    Yenidən məhkəməyə çağırılan Çelik məhkəmədə prokurorun qaldırdığı iddianın təsdiq edilməsindən sonra məhkəmə qərarı ilə həbs edilərək cəzaçəkmə müəssisəsinə göndərilib.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi