Bakı. 22 fevral. REPORT.AZ/ Türkiyə Silahlı Qüvvələrində xidmət edən qadın gizir və zabitlərin baş örtüyündən istifadəyə qoyulmuş qadağa ləğv edilib.
“Report” "Haber7"yə istinadən xəbər verir ki, bu barədə Türkiyə Müdafiə Nazirliyi uyğun təlimat verib.
Məlumata görə, bundan sonra qadın zabit və gizirlər baş örtüyündən istifadə etməkdə sərbəstdirlər. Bu təlimat qadın kursantlar üçün də keçərli olacaq.