Yuxarı
    Bağlamaq

    ​Türkiyə "Rossiya 1" telekanalının çəkiliş qrupunu deportasiya edib

    Ankara hadisə ilə bağlı açıqlama verməkdən imtina edib

    Bakı. 08 dekabr. REPORT.AZ/ Türkiyə "Rossiya 1" telekanalının jurnalisti Aleksandr Buzaladzenin çəkiliş qrupunu ölkədən deportasiya edib.

    "Report" TASS-a istinadən xəbər verir ki, bu barədə Ümumrusiya Dövlət Televiziya və Radioyayım Şirkətinin (ÜDTRŞ) mətbuat xidməti məlumat yayıb.

    Məlumata görə, bununla belə Ankara Rusiya səfirliyinin əməkdaşlarına hadisə ilə bağlı izahat verməkdən imtina edib.

    "Jurnalistlər Suriya ilə sərhəddə yerləşən Hatay (Türkiyənin cənub-şərqi. - red) əyalətində saxlanılıblar. Bu, onlar qonşu Qaziantep əyalətinə yollanarkən baş verib", - deyə ÜDTRŞ-dan bildirilib.

    "Spetsialnı korrespondent" verilişinin jurnalistləri dekabrın 7-də saxlanılıblar. Bundan sonra ruslar yerli polis məntəqəsinə aparılıb, orada onlara "Türkiyə Respublikası ərazisində xarici jurnalistlərin fəaliyyəti qaydalarının pozulması" əsasında ölkədən deportasiya edilmələri haqqında qərar qəbul olunduğu məlumat verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi