Yuxarı

Türkiyə prezidentinin baş yavəri vəzifəsi ləğv edilib

Beştəpədəki prezident iqamətgahının təhlükəsizliyi üçün çiyindən atılan raketli silahlar yerləşdiriləcək

Bakı. 26 iyul. REPORT.AZ/ Türkiyə prezidentinin baş yavəri vəzifəsi ləğv edilib. 

"Report" "Haberturk"ə istinadən xəbər verir ki, Türkiyə Prezident Administrasiyasında 1 baş yavər və 4 yavər vəzifəsi var. Ölkə prezidentinin hər addımında yanında olan baş yavər xidməti maşına minən yeganə şəxs idi. Türkiyədə baş yavər vəzifəsi 1920-ci ildən bəri mövcud olub. Ancaq Türkiyə prezidentinin baş yavəri Əli Yazıçının dövlət çevrilişi cəhdindən sonra saxlanılması bu postun ləğvinə gətirib çıxarıb. 

Məlumatda, həmçinin bildirilir ki, Beştəpədəki prezident iqamətgahının təhlükəsizliyi üçün çiyindən atılan raketli silahlar yerləşdiriləcək. Eyni zamanda, hərbçilərin yerini xüsusi təyinatlı polislər alıb və prezidentin mühafizəçilərinin sayı iki dəfə artırılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi