Yuxarı
    Bağlamaq

    Türkiyə parlamentində təmsil olunan əsas müxalifət partiyalarının liderləri görüşüb

    Görüş ölkə konstitusiyasına dəyişikliklə bağlı ikinci səsvermədən əvvəl keçirilib

    Bakı. 18 yanvar. REPORT.AZ/ Türkiyədə müxalifətdə olan iki partiyanın - Cümhuriyyət Xalq Partiyasının (CHP) sədri Kamal Kılıcdaroğlu parlamentin binasında Milliyyətçi Hərəkat Partiyasının (MHP) sədri Dövlət Bağçalı ilə görüşüb.

    “Report” "Cümhurriyet"ə istinadən xəbər verir ki, görüş ölkə konstitusiyasına dəyişikliklə bağlı ikinci səsvermədən əvvəl keçirilib.

    Məlumata görə, partiya liderləri görüşdən sonra mətbuata açıqlama veriblər.

    CHP sədri Kamal Kılıcdaroğlu deyib: “MHP Türkiyədəki demokratiya tarixinin çox əhəmiyyətli bir partiyasıdır. Görüşdə konstitusiyaya ediləcək dəyişikliklərlə bağlı narahatlığımı bölüşdüm”.

    MHP sədri isə görüş haqqında bir cümlə deyib: “Hörmətli Kılıcdaroğlu lazım olanı bildirdi”.

    Qeyd edək ki, Türkiyə Böyük Millət Məclisində ikinci səsvermə bu gün keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi