Türkiyə ordusunun 2 əsgəri şəhid olub

Bakı. 20 may. REPORT.AZ/ Türkiyədə terrorçuların yola qoyduğu əldəqayırma partlayıcı qurğunun partlaması nəticəsində 2 əsgər şəhid olub.

"Report" Türkiyə mətbuatına istinadən xəbər verir ki, hadisə Ağrı vilayətində, Doğubəyazitdə baş verib.

Məlumatda bildirilir ki, partlayış zamanı 1 əsgər həlak olub, daha 1 əsgər isə yaralanıb. Yaralı xəstəxanaya yerləşdirilib. Lakin həkimlərin səyinə baxmayaraq, onun həyatını xilas etmək mümkün olmayıb.