Yuxarı
    Bağlamaq

    ​Türkiyə ilə Ukrayna birlikdə silah-sursat istehsal edəcək

    Rəsmilər ortaq layihələr həyata keçirəcəklərini bildiriblər

    Bakı. 16 fevral. REPORT.AZ/ Türkiyə ilə Ukrayna birlikdə silah istehsal edəcək.

    "Report" Türkiyə KİV-inə istinadən xəbər verir ki, bununla bağlı Türkiyə müdafiə sənayesinin başçısı İsmayıl Dəmir ilə Ukrayna Milli Təhlükəsizlik və Müdafiə Şurasının katibi Oleksandr Turçinov arasında razılıq əldə edilib.

    Ukraynada keçirilən görüşdə Oleksandr Turçinov Türkiyəni ölkəsi üçün strateji müttəfiq olaraq gördüklərini vurğulayıb.

    Tərəflər silah-sursat istehsalında birlikdə çalışacaqlarını qeyd ediblər.

    Rəsmilər təyyarə mühərriki, tank, zirehli maşın, radar və başqa texnikaların birgə istehsalında ortaq layihələr həyata keçirəcəklərini bildiriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi