Yuxarı

Türkiyə Afrindəki əməliyyatın ilk mərhələsini başa çatdırıb

Türkiyənin iki bölgəsindən Suriyaya daxil olan hərbçilər Afrin ətrafında birləşərək aypara şəklində xətt formalaşdırıblar

Bakı. 25 fevral. REPORT.AZ/ Türkiyə Suriyanın Afrin bölgəsində apardığı "Zeytun budağı" anti-terror əməliyyatının birinci mərhələsini başa çatdırıb.

“Report” TASS-a istinadən xəbər verir ki, bu barədə bazar günü yerli "Habertürk" telekanalı məlumat yayıb.

Bildirilir ki, Türkiyənin Hatay və Kiliz rayonlarından ərəb respublikası ərazisinə daxil olan hərbçilər Afrin ətrafında birləşərək aypara şəklində xətt formalaşdırıblarlar.

Türkiyə yanvarın 20-də Suriyanın şimalında kürd terrorçularına qarşı "Zeytun budağı" əməliyyatlarına başlayıb. Bu günə qədər əməliyyat çərçivəsində 2021 terrorçu məhv edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi