Türkiyədə TIR-la sərnişin avtobusu toqquşub, 2 nəfər ölüb, 21 nəfər yaralanıb

Türkiyədə TIR-la sərnişin avtobusunun toqquşması nəticəsində 2 nəfər ölüb, 21 nəfər yaralanıb.

“Report” “CNNTurk”ə istinadən xəbər verir ki, hadisə Afyonkarahisat-Konya avtomobil yolunda qeydə alınıb. 

Qəza baş verən əraziyə çoxlu sayda təcili tibbi yardım briqadası və xilasedicilər cəlb olunub. 

Yaralılar xəstəxanaya yerləşdirilib. 

Hadisə ilə bağlı araşdırma aparılır.