Rusiyanın Baş Prokurorluğu: Yarım il ərzində ölkədə 13 terror aktından 12-nin qarşısı alınıb

Bakı. 27 iyul. REPORT.AZ / Bu ilin birinci yarısında Rusiyada 12 terror aktının qarşısı alınıb. 

"Report"un RİA "Novosti"yə istinadən verdiyi məlumata görə, bu barədə Rusiya Baş prokurorunun birinci müavini Aleksandr Buksman bildirib.

Onun sözlərinə görə, 13 terror aktı qeydə alınıb və onlardan 12-nin hazırlıq mərhələsində və qəsd zamanı qarşısı alınıb.

O deyib ki, bu il aprelin 3-də Sankt-Peterburq metrosundakı terror aktının qarşısını almaq mümkün olmayıb. Həmin vaxt partlayış nəticəsində 16 nəfər həlak olub.