Bakı. 16 yanvar. REPORT.AZ/ Rusiya və İranın xarici işlər nazirləri Sergey Lavrov və Cavad Zərif telefon vasitəsi ilə Suriyadakı vəziyyəti və Astanada oradakı münaqişə ilə bağlı danışıqların aparılmasını müzakirə ediblər.
"Report" xəbər verir ki, bu barədə Rusiyanın xarici siyasət idarəsinin saytında dərc olunan məlumatda bildirilir.
Qeyd olunur ki, telefon danışığı bazar ertəsi Rusiya tərəfinin təşəbbüsü ilə baş tutub.
Məlumata görə, tərəflər bir sıra ikitərəfli məsələlərə də toxunublar.