Rusiya FHN Moskvada havanın pisləşməsi ilə bağlı fövqəladə xəbərdarlıq elan edib

Bakı. 3 iyul. REPORT.AZ/ Moskvada qarşıdakı saatlarda havanın pisləşməsi ilə bağlı fövqəladə xəbərdarlıq elan edilib.

"Report" RİA "Novosti"yə istinadən xəbər verir ki, bu barədə Rusiya Fövqəladə Hallar Nazirliyindən bildiriblər.

FHN-in məlumatına görə, küləyin sürəti saniyədə 17 metrə çata bilər, elektrik xətlərinın sıradan çıxması və ağacların aşması mümkündür.

Qeyd edək ki, daha əvvəl Rusiya Hidrometeorologiya Mərkəzi güclü külək, yağış və şimşək səbəbilə Moskvada sarı səviyyəli hava riski olduğunu elan edib.