Rusiya Aralıq dənizindən İŞİD-in Suriyadakı mövqelərinə raket zərbələri endirib

Bakı. 5 oktyabr. REPORT.AZ/ Rusiya Aralıq dənizindəki bazasından atdığı “Kalibr” raketləri ilə terrorçu İŞİD qruplaşmasının Suriyanın Məyadin yaxınlığında yerləşən mövqelərinə zərbələr endirib.

“Report” "Haber7"yə istinadən xəbər verir ki, bu barədə Rusiya Müdafiə Nazirliyinin sözçüsü İqor Konaşenkov məlumat verib.

Onun sözlərinə görə, Qara dəniz donanmasının Aralıq dənizindəki “Velikiy Novqorod” və “Kolpino” sualtı qayıqlardan İŞİD-in mövqelərinə 10 “Kalibr” adlı raket atılıb.