Yuxarı
    Bağlamaq

    Qazaxıstanda MDB Dövlət Başçıları Şurasının iclası başlayıb - ƏLAVƏ OLUNUB

    Azərbaycan Prezidenti İlham Əliyev iclasda iştirak edir

    Bakı. 16 oktyabr. REPORT.AZ/ Qazaxıstanda MDB Dövlət Başçıları Şurasının iclası başlayıb.

    "Report" xəbər verir ki, toplantı ölkənin Akmola vilayətinin Burabay qəsəbəsində keçirilir. 

    Azərbaycan Prezidenti İlham Əliyev iclasda iştirak edir.

    Azərbaycan Prezidentini Qazaxıstanın dövlət başçısı Nursultan Nazarbayev qarşılayıb. Dövlət başçıları xatirə şəkli çəkdiriblər. 

    Sonra Prezident Nursultan Nazarbayev MDB Dövlət Başçıları Şurasının iclasında iştirak etmək üçün Qazaxıstana gələn digər dövlət başçılarını qarşılayıb. 

    Prezidentlər birgə foto çəkdiriblər.

    Dövlət başçılarının iclasda terror təhlükəsinə qarşı birgə mübarizə, təhlükəsizlik və asayişin təmin olunması, MDB iştirakçı dövlətləri hüquq-mühafizə orqanlarının əməkdaşlığı məsələlərini müzakirə edəcəkləri gözlənilir. 

    BMT-nin yaradılmasının 70 illiyi münasibətilə  bəyanatların, Çernobıl AES-də qəzanın baş verməsinin 30 illiyi ilə əlaqədar müraciətnamələrin qəbul olunması nəzərdə tutulub. Gündəlikdə, həmçinin 2016-cı ildə  MDB-də sədrlik məsələsi də daxil olmaqla, təşkilati xarakterli məsələlər də var.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi