Yuxarı

Rusiya prezidenti jurnalistə görə iki polis generalını işdən azad edib

Putin iki generalı bir jurnalistə görə işdən azad edib

Rusiya prezidenti Vladimir Putin iki polis generalını tutduğu vəzifədən azad edib.

“Report” TASS-a istinadən xəbər verir ki, məlumatı iyunun 13-də Kremlin Mətbuat xidməti yayıb.

Bildirilib ki, işdən azad edilən general-mayor, Rusiya Daxili İşlər Nazirliyinin Moskvanın Qərb administrasiyası dairəsinin rəisi Andrey Puçkov “Meduza” internet-qəzetinin jurnalisti İvan Qolunova qarşı cinayət işi açıb. O biri general-mayor Rusiya Daxili İşlər Nazirliyinin Narkotik maddələrin dövriyyəsinə nəzarət üzrə Moskva idarəsinin rəisi Yuri Devyatkindir.

Qeyd edək ki, 36 yaşlı Qolunov cari il iyunun 6-da həbs edilib. Ona qarşı böyük miqdarda narkotik maddələrin qanunsuz satışına cəhd ittihamı irəli sürülmüşdü. Qolunov və hüquqlarını müdafiəçiləri bu ittihamı rədd edərək jurnalistin Moskva rəsmilərinin korrupsiyada iştirakına dair araşdırmalarına görə cəzalandırıldığını qeyd ediblər.

İyunun 11-də İvan Qolunova qarşı cinayət ittihamları aradan qaldırılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi