Ötən ay Gürcüstanda xilasedicilər çimərliklərdə itmiş 109 uşağı taparaq valideynlərinə təhvil verib

Bakı. 10 avqust. REPORT.AZ/ Gürcüstanda xilasedicilər yerli çimərliklərdə itmiş 109 uşağı valideynlərinə təhvil verib.

"Report" xəbər verir ki, bu barədə "İnterfax" ölkənin Daxili İşlər Nazirliyinə istinadən məlumat yayıb.

Məlumata görə, söhbət iyulun 1-dən 31-ə qədərki dövrdən gedir. Nazirlikdən bildirilib ki, uşaqlar arasında Gürcüstan və xarici ölkələrin vətəndaşları da var.

Kobuletdə xilasedicilər 4 yaşlı uşağı valideynlərinin itirdiyi ərazidən 3 kilometr kənarda tapıblar. Xilasedicilər suya girən nəzarətsiz uşağı xilas etməyə müvəffəq olublar.