Moskvada polislərə atəş açan şəxs xəstəxanada ölüb

Bakı. 24 avqust. REPORT.AZ/ Moskvanın mərkəzində polislərə atəş açan və cavab atəşi ilə yaralanan şəxs xəstəxanada ölüb.

"Report" "RİA Novosti"yə istinadən xəbər verir ki, həmin şəxs Kabardino-Balkardan olan 31 yaşlı kişidir.

Xatırladaq ki, ötən gecə Moskvanın mərkəzində kişi iki polisə atəş açıb. O, polislərdən birini yaralasa da, digəri tərəfindən vurulub. Həmin şəxs xəstəxanaya çatdırılıb, yaralı polisə tibbi yardım göstərilib.