Yuxarı

​MHP-nin fövqəladə qurultayının vaxtı dəqiqləşib

Dövlət Baxçalı: Kim, ya da kimlər partiya sədrliyinə namizəd olacaqsa, mənimlə yarışacaq

Bakı. 25 may. REPORT.AZ/ Türkiyənin Milliyyətçi Hərəkat Partiyasının (MHP) fövqəladə qurultayı iyulun 10-da keçiriləcək.

"Report" Türkiyə KİV-inə istinadən xəbər verir ki, bunu partiyanın sədri Dövlət Baxçalı yaydığı yazılı açıqlamada bildirib.

"MHP təşkilati məsələyə baxılacaq fövqəladə qurultayını iyulun 10-da keçirəcək. Kim, ya da kimlər partiya sədrliyinə namizəd olacaqsa, mənimlə yarışacaq", - deyə Dövlət Baxçalı bildirib.

O, partiya nizamnaməsinə dəyişikliyə mərhələ-mərhələ baxılacağını da vurğulayıb.

Qeyd edək ki, MHP-də sədrə müxalif olanlar mayın 15-də fövqəladə qurultay keçirməyi planlaşdırmışdı. Ancaq məhkəmə bununla bağlı vaxt təyin etdiyindən və bu tədbiri keçirmək istəyənlər arasında ortaq mövqe olmadığından qurultayı həmin tarixdə reallaşdırmaq mümkün olmayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi