Yuxarı
    Bağlamaq

    İstanbulda müxalif partiyanın qərargahı atəşə tutulub - VİDEO

    Atışma nəticəsində zərərçəkən olmayıb

    Bakı. 20 aprel. REPORT.AZ/ İstanbul şəhərinin Sarıyer rayonunda yerləşən Milliyətçi Hərəkət Partiyasının (MHP) qərargahı naməlum şəxs tərəfindən atəşə tutulub.

    "Report" Milliyet qəzetinə istinadən verdiyi xəbərə görə, hadisə yerinin yaxınlığında olan polis əməkdaşı silahlı şəxsə cavab atəşi açsa da o qaçmağa müvəffəq olub. Atışma nəticəsində zərərçəkən olmayıb.

    MHP-nin İstanbul vilayəti üzrə rəhbəri Bülənt Karataş bəyan edib ki, silahlı insident sabotaj xarakteri daşıyır: "İyun ayında keçiriləcək parlament seçkiləri ərəfəsində müəyyən qüvvələr ölkədə stabilliyi pozmaq istəyir. Türkiyədə xaos yaradmaq istəyirlər və bu səbəbdən də müxalifəti hədəf alıblar. Ancaq heç kim bizi qeyri demokratik addımlar atmağa məcbur edə bilməyəcək".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi