Yuxarı
    Bağlamaq

    ​İstanbulda İŞİD-in 7 terrorçusu tutulub

    Antiterror əməliyyat nəticəsində ümumilikdə 11 şübhəli saxlanılıb

    Bakı. 12 noyabr. REPORT.AZ/ İstanbulda keçirilən antiterror əməliyyat nəticəsində 11 şübhəli tutulub.

    "Report" xəbər verir ki, bu haqda Türkiyə KİV-i məlumat yayıb.

    Məlumata görə, İstanbulun Bağçılar, Ümraniye, Esenler, Silivri və Bahçelievler rayonlarında 20-dən artıq ünvanda eyni vaxtda əməliyyat keçirilib.

    Antiterror tədbiri nəticəsində 7-si xarici ölkə vətəndaşı olmaqla 11 şübhəli tutulub.

    Tutulan 7 əcnəbinin İŞİD terrorçu qruplaşmasının üzvü olduğu bildirilir.

    Ünvanlarda keçirilən əməliyyat-axtarış nəticəsində qruplaşmaya aid çoxlu sayda təbliğat vasitəsi və rəqəmsal vəsait aşkarlanaraq, götürülüb.

    Məlumata əsasən, əməliyyat davam edir, tutulanların sayının artacağı ehtimal olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi