MSK sədri: “Ekrem İmamoğlu İstanbulda səslərin çoxunu toplayıb”

“Ekrem İmamoğlu 4 milyon 159 min 650 səs, Binəli Yıldırım isə 4 milyon 131 min 761 səs toplayıb”.

“Report” Türkiyənin “NTV” televiziyasına istinadən xəbər verir ki, bunu ölkənin Mərkəzi Seçki Komissiyasının sədri Sadi Güven bildirib.

Onun sözlərinə görə, seçkinin nəticələri ilə bağlı Mərkəzi Seçki Komissiyasına 3 gün ərzində şikayət etmək olar: “İndiyədək 31 min 102 seçki qutusu açılıb. Etirazlara görə 84 qutu açılmayıb”.

Qeyd edək ki, martın 31-də Türkiyədə bələdiyyə seçkiləri keçirilib.