İŞİD Rusiyada hərbi hissəyə hücuma görə məsuliyyəti üzərinə götürüb

Bakı. 24 mart. REPORT.AZ/ İŞİD terror təşkilatı Rusiya Milli Qvardiyasının Çeçenistanda yerləşən hərbi hissəsinə silahlı hücuma görə məsuliyyəti öz üzərinə götürüb.

"Report" xəbər verir ki, bu barədə "SITE Intelligence Group" təşkilatına istinadən "Frans Press" məlumat yayıb.

Cümə gününə keçən gecə altı silahlı şəxs Naurskaya stanitsasındakı hərbi hissəyə hücum edib. Terrorçuların hamısı öldürülüb. Bununla belə, qvardiyanın altı döyüşçüsü ölüb, daha 3 nəfəri yaralanıb.