Yuxarı
    Bağlamaq

    İrkutskda alkoqol zəhərlənməsindən ölənlərin sayı 60 nəfərə çatıb

    Kütləvi zəhərlənmə üzrə cinayət işi çərçivəsində 11 nəfər həbs olunub

    Bakı. 21 dekabr. REPORT.AZ/ Rusiyanın İrkutsk vilayətində spirt tərkibli mayedən ölənlərin sayı 60 nəfərə çatıb.

    "Report" Rusiya KİV-inə istinadən xəbər verir ki, zəhərlənmiş daha iki nəfər dünyasını dəyişib.

    Vilayətin Səhiyyə Nazirliyindən verilən məlumata görə, hər iki mərhum evində keçinib, onların cəsədi morqa çatdırılıb.

    40 nəfər hələ də xəstəxanadadır, 5 nəfər evə buraxılıb.

    Kütləvi zəhərlənmə üzrə cinayət işi çərçivəsində 11 nəfər həbs olunub. Daha 100 nəfər isə şahid qismində dindirilib.

    Xatırladaq ki, dekabrın 17-də İrkutskda və eyniadlı vilayətdə spirt tərkibli mayedən ("Boyarışnik") kütləvi zəhərlənmələr qeydə alınıb. Yerli Səhiyyə Nazirliyi zəhərlənmələrə səbəb kimi vanna qəbulunda istifadə olunan mayenin etiketində etil spirti göstərilməsinə baxmayaraq, onun tərkibində metanol olmasını göstərib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi