Yuxarı

​İranın Dini Ekspertlər Şurasına yeni sədr seçilib

Şuranın iclasda iştrak edən 86 üzvündən 51-i Ayətullah Əhməd Cənnətinin lehinə səs verib

Bakı. 24 may. REPORT.AZ/ İranın Dini Ekspertlər Şurasına yeni sədr seçilib.

"Report" xəbər verir ki, bu haqda İran KİV-i məlumat yayıb.

Məlumata görə, şuranın iclasda iştirak edən 86 üzvündən 51-i Ayətullah Əhməd Cənnətinin lehinə səs verib.

Mayın 24-də Tehranda Dini Ekspertlər Şurası (Məclis-e- Şuraye- Xübreqan) 5-ci çağırışının birinci iclası keçirilib. Şuranın indiki tərkibi bu ilin fevralın 26-da keçirilən ümumxalq səsverməsi nəticəsində formalaşıb. Şuranın 88 üzvü var. Onlar İranın tanınmış və nüfuzlu din xadimləri sayılırlar.

Şuraya seçkilər 8 ildən bir keçirildiyindən yeni tərkibin səlahiyyət müddəti də 2024-cü ildə başa çatacaq.

Xatırladaq ki, ölkə konstitusiyasına əsasən şura ölkənin ali rəhbərini seçir. İndi bu vəzifəni ayətullah Seyid Əli Xamenei tutur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi