Yuxarı

İranda terrorçu qrup zərərsizləşdirilib

Qruplaşma üzvlərindən xeyli silah-sursat götürülüb

Bakı. 20 avqust. REPORT.AZ/ İran İslam Respublikasının qərbində terrorçu qrup zərərsizləşdirilib.

"Report"un məlumatına görə, bu barədə İranın xəbər agentlikləri ölkənin İnformasiya Nazirliyinin bəyanatına istinadən xəbər yayıblar.

Məlumata görə, silahlılardan terror aktı törətmək üçün nəzərdə tutulmuş partlayıcı qurğuların hazırlanması üçün avadanlıqlar, "Kalaşnikov" avtomatları, "M-16" Amerika tüfəngləri, qumbaralar və digər silah-sursatlar götürülüb.

"Terrorçuların yaxalanması üçün birgə əməliyyatı İran ordusu və "İslam İnqilabı Keşikçiləri" Korpusu keçirib" – deyə məlumatda bildirilir.

Zərərsizləşdirilmiş terrorçuların sayı haqda hər hansı məlumat verilmir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi