Yuxarı
    Bağlamaq

    ​İranda deputatlığa namizədliyə iddiaçıların qeydiyyatı başlayıb

    Dini Ekspertlər Şurası və Məclisə seçkilər eyni gündə keçiriləcək

    Bakı. 19 dekabr. REPORT.AZ/ 10-cu çağırış İran parlamentinə deputatlığa namizədliyə iddiaçıların qeydiyyata alınması mərhələsi başlayıb.

    "Report" xəbər verir ki, bu haqda İran KİV-i məlumat yayıb.

    Deputatlığa namizədliyə iddiaçıların yoxlamadan keçməsi 10 gün davam edəcək. Onların yoxlamasını İranın əsas rəhbər orqanlarından biri - Nəzarət Şurası həyata keçirir.

    Deputatlığa namizədlərin yekun siyahısı fevralın 16-da elan ediləcək. 290 nəfərlik parlamentə seçkilər fevralın 26-da keçiriləcək.

    Qeyd edək ki, İranın Dini Ekspertlər Şurasına (Xübreqan Məclisi) 5-ci çağırış seçkilərdə iştirak edəcək namizədlərin irəli sürülməsi də başlayıb.

    Şura və parlament seçkiləri 2016-cı il fevralın 26-da keçiriləcək.

    Xatırladaq ki, Dini Ekspertlər Şurası İranın ali rəhbərini (indi bu vəzifəni ayətullah Seyid Əli Xamənei tutur) seçir. Şuranın 86 üzvü ümumxalq səsverməsi yolu ilə seçilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi