​İranın vitse-prezidenti Ermənistana səfər edəcək

Bakı. 13 oktyabr. REPORT.AZ/ İran prezidentinin birinci müavini İshaq Cahangiri oktyabrın 14-də Ermənistana səfər edəcək.

"Report" xəbər verir ki, bu haqda İran KİV-i məlumat yayıb.

Xəbərə görə, İran rəsmisinin Ermənistan prezidenti, baş naziri və parlamentinin sədri ilə görüşləri nəzərdə tutulub.

İshaq Cahangirinin İran-Ermənistan birgə ticarət komissiyasının iclasında iştirak etməsi və iki ölkənin iş adamları qarşısında çıxış edəcəyi gözlənilir.