Yuxarı

İran generalı: "ABŞ Əfqanıstanda İŞİD-ə dəstək verir"

​İran generalı: "ABŞ Əfqanıstanda İŞİD-ə dəstək verir"

Bakı. 19 yanvar. REPORT.AZ/ İran ordusunun Strateji Araşdırmalar Mərkəzinin rəhbəri briqada generalı Əhməd Rıza Purdastan bildirib ki, Əfqanıstanda minlərlə İŞİD yaraqlısı ABŞ və bölgə dövlətlərindən dəstək alır.

“Report” RİA "Novosti"yə istinadən xəbər verir ki, bu barədə "Fars News" nəşri məlumat yayıb.

"Əfqanıstan ərazisində böyük sayda, təqribən yeddi min İŞİD yaraqlısı var, onlara silah tədarükünü Səudiyyə Ərəbistanı, BƏƏ maliyyələşdirir, amerikalılar isə onlardan (terrorçulardan) İran, Rusiya və Çinə təzyiq vasitəsi kimi istifadə edirlər", - deyə Purdastan bildirib.

O qeyd edib ki, ölkənin kəşfiyyat xidmətlərinin səmərəli işi sayəsində İran terrorçuların dəqiq harada olduqlarından məlumatlıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi