Bakı. 19 yanvar. REPORT.AZ/ İnquşetiyada polis əməkdaşı cavab atəşi ilə ətrafdakıları öldürməklə təhdid edən və polisə atəş açan qardaşını güllələmək məcburiyyətində qalıb.
Bu barədə "Report" RİA "Novosti"yə istinadən xəbər verir.
"Yanvarın 18-də təxminən saat 16:00 radələrində əlində tapança olan Malqobek şəhərinin 30 yaşlı müvəqqəti işsiz sakini öz evinin həyətində dayanaraq silahla hədə-qorxu gəlib və ətrafdakıları öldürəcəyi ilə təhdid edib. Bundan sonra həmin şəxs vətəndaşların tərəfini tutan polis əməkdaşına - qardaşına atəş açıb. Nəticədə polis əməkdaşı tabel silahından cavab atəşi açmaqla asayişi pozan şəxsi güllələyərək öldürüb", - respublikanın Daxili İşlər Nazirliyinin mətbuat xidmətinin məlumatında deyilir.
Faktla əlaqədar cinayət işi açılıb, istintaq aparılır.