Gürcüstanın XİN başçısı: "Strateji tərəfdaşımız olan Azərbaycanla mübahisəli məsələlərimiz yoxdur"

"Gürcüstan və Azərbaycan arasında birgə sərhəd komissiyasının iclası Tbilisidə yaxın vaxtlarda keçiriləcək".

“Report”un yerli bürosu xəbər verir ki, bu barədə Gürcüstanın xarici işlər naziri David Zalkaliani parlamentdə “nazir saatı” formatında çıxışı zamanı bildirib.

O qeyd edib ki, azərbaycanlı tərəfdaşlar bu görüşə hazırdırlar.

XİN başçısının sözlərinə görə, Gürcüstan üçün status-kvonun bərpa edilməsi bir nömrəli məsələ olacaq.

D.Zalkaliani əlavə edib ki, Keşikçi dağ məsələsi mübahisəli deyil, açıq məsələdir: "Bizim strateji tərəfdaşımız olan Azərbaycanla mübahisəli məsələlərimiz yoxdur".