Yuxarı

Gürcüstanın Seçki Məcəlləsinə dəyişikliklər edilə bilər

​Gürcüstanın Seçki Məcəlləsinə dəyişikliklər edilə bilər

Gürcüstan parlamentində ölkənin Seçki Məcəlləsinə dəyişikliklərlə bağlı İşçi qrupun ilk görüşü keçirilir.

“Report”un yerli bürosu xəbər verir ki, qapalı keçirilən müzakirələrdə hakim, parlamentdə təmsil olunan və olunmayan partiyalar, QHT və beynəlxalq təşkilatların nümayəndələri iştirak edirlər.

Parlament azlığı 2020-ci ildən etibarən proporsional seçki sisteminə keçidi tələb edir. Tələbin yerinə yetirilməyəcəyi təqdirdə parlament müxalifəti hakim partiya ilə Seçki Məcəlləsi üzrə danışıqları davam etdirməyəcək.

Hakim Gürcü Arzusu Partiyasının komandası isə danışıqların ATƏT-in tövsiyələri əsasında təşkil olunacağını bildirib. Parlament çoxluğunun lideri Arçil Talakvadze nəticədə geniş konsensusun əldə olunacağına ümid etdiyini deyib. 

Gürcüstanın Mərkəzi Seçki Komissiyası İşçi qrupunun görüşünü müsbət qiymətləndirirb. Komissiya sədri Tamara Jvania bildirib ki, bu cür müzakirələr seçki qanunvericiliyinin təkmilləşdirilməsi və seçkilərin daha yaxşı keçirilməsinə zəmin yaradır.

Qeyd edək ki, 2020-ci ildə qonşu ölkədə parlament seçkiləri keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi