Yuxarı
    Bağlamaq

    Gürcüstandan Ermənistana "İqla” daşınan zenit-raket kompleksi aparan iki erməni saxlanılıb

    Operativ-axtarış tədbirləri nəticəsində işəsalma qurğusu ilə 9М39 raketi aşkar edilərək götürülüb

    Bakı. 22 mart. REPORT.AZ/ Ermənistan Milli Təhlükəsizlik Xidməti (MTX) Gürcüstandan "İqla” daşına bilən zenit-raket kompleksinin (DZRK) gətirilməsində şübhəli bilinən iki vətəndaşını saxlayıb.

    "Report" "Sputnik"ə istinadən xəbər verir ki, Gürcüstandan Ermənistana qaçaqmalçılıq yolu ilə "İqla" DZRK-nın daşınacağı barədə məlumat Ermənistan MTX-yə mart ayında daxil olub.

    "Həyata keçirilən operativ-axtarış və istintaq tədbirləri nəticəsində işəsalma qurğusu ilə "9М39" raketi aşkar edilərək götürülüb", - dey məlumatda bildirilir.

    Cinayət Məcəlləsinin "Qanunsuz olaraq odlu silah, döyüş sursatı, partlayıcı maddələr və qurğular əldə etmə, satma, saxlama, daşıma və ya gəzdirmə" maddəsi ilə cinayət işi başlanılıb. Bu maddəyə əsasən, 2 ildən 6 il müddətinədək azadlıqdan məhrum etmə cəzası nəzərdə tutulur.

    Məlumatda, həmçinin bildirilir ki, odlu silahın qanunsuz dövriyyəsi ilə əlaqəsi olan digər şəxslərin aşkar olunması istiqamətində tədbirlər görülür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi