Gürcüstan parlamentində deputat Nika Melianın həbsi ilə bağlı xüsusi büro iclası keçirilir.
“Report”un yerli bürosu xəbər verir ki, məsələ müvafiq komitələrdə də nəzərdən keçiriləndən sonra parlamentin plenar iclasında müzakirəyə çıxarılacaq.
N.Melianın sabahdan etibarən deputat toxunulmazlığının dayandırılacağı gözlənilir.
*** 19:14
Gürcüstanın Baş Prokurorluğu parlamentin müxalif Vahid Milli Birlik Partiyasından olan deputatı Nika Melianın həbsi barədə qərar qəbul edib.
“Report”un yerli bürosu xəbər verir ki, bu qərar müxalif deputatın iyunun 20-də Tbilisidə etirazlar zamanı baş verən hadisələrdə iştirakı ilə bağlıdır.