Gürcüstanda tibb işçisinin koronavirusa yoluxması təsdiqlənib.
“Report”un yerli bürosu xəbər verir ki, bu barədə ölkənin baş naziri Giorgi Qaxaria brifinqdə bildirib.
O qeyd edib ki, ölkədə artıq koronavirusa 100 yoluxma halı aşkarlanıb: “Üç halla bağlı ilkin yoluxma mənbəyi müəyyən edilməyib. Koronavirus qlobal problemdir və bu çağırışın öhdəsindən gəlmək üçün polislər və tibb işçilərinin gündəlik fədakar işi ilə yanaşı, vətəndaşların da səyləri tələb olunur”.